गजल

सबै भन्दा चिप्लो हुने सम्बन्धको बाटो रैछ
सजिलो छ ठान्ने मान्छे एक नम्बरको लाटो रैछ

छेउ भित्ता अघि पछि खुब नियालिहिड्दा पनि
भित्रभित्रै गुम्सिआउने नजानिँदो फाटो रैछ

कोहि छ कि नचिप्लिने तेन्जिंग जस्तो बुझिहेर्दा
कोहीका आला घाउ भेटें  कोहीका भर्खर खाटो रैछ

प्रेममा भन मित्रतामा नातेदारमा जेमा पनि
जस्तै मिहिन पारें भन्नू  बार हातको राँटो रैछ

बाँच्न सके खुसी मनले रिस राग पखालेर
सबले सोचौं यो नि एउटा जिन्दगीको पाटो रैछ